Solpor

desde a Ghándara, Lariño.
**
**
Leixaprén 1º


Na praia do Mar de Lira,
Polo areal de Carnota,
Vai a Virxe do Remedios
Percorrendo a area longa.

Vai a Virxe dos Remedios
Percorrendo a area longa,
Coas súas pegadas miúdas
I-o seu coro de gaivotas.

Coas súas pegadas miúdas
I-o seu coro de gaivotas,
Que pousan no manso mar,
E navegan coma dornas.

Que pousan no manso mar,
E navegan coma dornas
E xogan nos tobogáns
Da aba plisada das ondas.

E xogan nos tobogáns
Da aba plisada das ondas,
Na praia do Mar de Lira,
Polo areal de Carnota.

Na praia do Mar de Lira,
Polo areal de Carnota,
Vai a Virxe dos Remedios
Percorrendo a area longa...

(D.J. Barreiros Lago)